წინამდებარე ვებგვერდი შექმნილია ევროკავშირის მხარდაჭერით განხორციელებული პროექტის „ინდივიდუალური დახმარება ქართველ მიგრანტებს“ (G-PAM) ფარგლებში. ვებგვერდი ფუნქციონირებს „ღია საზოგადოების ფონდის“ დახმარებით მიმდინარე პროექტის „პარტნიორობა მიგრანტთა უფლებებისთვის“ (G-PMR) ფარგლებში. ორივე პროექტის განმახორციელებელია ა(ა)იპ „სამოქალაქო განვითარების სააგენტო“ („სიდა“ - www.cida.ge).

პროექტის მიზანია ამჟამინდელი, პოტენციური და დაბრუნებული ქართველი მიგრანტების დახმარება, მათთვის კონსულტაციის გაწევისა და ადვოკატირების გზით. პროექტი, ასევე, ემსახურება ევროკავშირში საქართველოს მოქალაქეების უვიზოდ გადაადგილების, ტრეფიკინგისა და შრომითი ექსპლოატაციის, ასევე, არადოკუმენტირებული მიგრაციის საფრთხეებისა და საქართველოს სახელმწიფოს რეინტეგრაციის პროგრამების შესახებ დაინტერესებული პირების ცნობიერების ამაღლებას. დაგეგმილი აქტივობების ფარგლებში, გაიმართება საინფორმაციო შეხვედრები და ტრენინგები საქართველოს რეგიონების მოსახლეობასთან, ადგილობრივი თვითმმართველობების, არასამთავრობო ორგანიზაციებისა და მედიის წარმომადგენლებთან.